Oʻzbekiston Respublikasi Adliya vazirligi huzuridagi "Oʻzarxiv” agentligi direktori o‘rinbosari Sherzod Sadikov Konimex tumani davlat arxivida boʻldi.

Sh.Sadikov arxiv ish jarayoni bilan tanishib, xodimlar uchun yaratilayotgan shart-sharoitlar, koʻrsatilayotgan xizmatlarning tezkorligi bilan tanishdi va arxiv xodimlariga tegishli tavsiya va topshiriqlar berdi.

Ma'lumot uchun: Konimex tumani davlat arxivi 1982-yilda Navoiy viloyati davlat arxivining Konimex tumani filiali bo‘lib o‘z faoliyatini boshlagan. 2012-yilda davlat arxivi sifatida qayta tashkil etilgan. Arxiv saqlovida jami 227 ta fondda 20 851 saqlov birligida hujjatlar mavjud. 2023-yildan Doimiy ravishda arxiv fondiga viloyat korxona, muassasa va tashkilotlarining idoraviy saqlov muddati o‘tgan arxiv hujjatlarini qabul qilish ishlari olib borilmoqda va arxiv fondi MAF hujjatlari bilan boyitilmoqda.