2019 yil 25 iyun kuni Navoiy viloyati davlat arxivi va Navoiy shahar yong’in xavfsizligi hamda favqulotda holatlar xodimlari bilan hamkorlikda, 2019 yil 3 maydagi "O’zarxiv” agentligi Hay'atining kengaytirilgan sayyor yig’ilishi bayonnomasining 15-bandini ijrosi ta'minlash maqsadida Navoiy viloyati arxiv ishi hududiy boshqarmasi tizimidagi Navoiy viloyati, Karmana tumani davlat arxivlari va Navoiy shahar shaxsiy tarkib hujjatlari arxivi xodimlari ishtirokida yong’in xavfsizligi bo’yicha nazariy va amaliy taktik mashg’ulotlari o’tkazildi.
Nazariy o’quv mashg’ulotida yong’in kelib chiqish sabablari, birlamchi o’t o’chirish vasitalarining turlari va ularning ishlatish tartiblari hamda zamonaviy birlamchi o’t o’chirish vositalari to’g’risida batafsil ma'lumotlar berildi.
Tadbirda viloyat davlat arxivi ko’ngilli o’t o’chirish guruhi bilan o’t o’chirish texnikalari yordamida taktik mashg’ulot o’tkazildi.
Xodimlar nafaqat arxiv muassasasida balki o’z uylarida yong’inni oldini olish yuzasidan batafsil ma'lumotlarga ega bo’ldilar.
Agarda Siz maqolada xatoni uchratgan bo'lsangiz, unda xato matnni belgilab, CTRL + ENTER tugmasini bosing va sayt ma'muriga xabarnoma jo'nating.
